Greining

Greining

Ef þig grunar að þú sért með PCOS skaltu leita til læknis. 

Læknirinn mun spyrja um einkenni þín til að útiloka aðrar mögulegar orsakir.


Þú þarft ómskoðun, sem getur sýnt hvort þú sért með mikið af eggbúum í eggjastokkum þínum. Eggbú eru vökvafylltir sekkir þar sem egg myndast.


Þú þarft að fara í blóðprufu til að mæla hormónamagn og skima fyrir sykursýki, insúlínviðnámi eða háu kólesteróli.


Læknirinn mun líklega senda þig í hormónapróf til að komast að því hvort umfram hormónaframleiðsla stafi af PCOS eða öðru hormónatengdu ástandi.

Greiningarviðmið

Almennt er hægt að greina PCOS ef þú uppfyllir 2 af 3 eftirfarandi greiningarviðmiðum:


  • þú ert með óreglulegar blæðingar - þetta gefur til kynna að eggjastokkarnir losi ekki reglulega egg
  • blóðprufa sýnir of mikið magn af „karlkyns“ hormónum, eins og testósteróni - stundum nægir að líkaminn sýni merki um of mikið testósterón jafnvel þótt blóðprufan sé eðlileg
  • ómskoðun sem sýnir að þú er með fjölblöðrueggjastokka


Aðeins 2 af þessum þremur viðmiðum þurfa að vera til staðar til að fá PCOS-greiningu. 

Undirbúningur fyrir læknisheimsókn

Það er gott að vera vel undirbúin fyrir læknistímann ef þig grunar PCOS. 


  1. Skrifaðu niður einkenni þín og hvernig þau hafa áhrif á þig, hvaða lyf þú tekur og upplýsingar um tíðarhring þinn ef þú hefur þær. Þetta auðveldar þér að muna allt.
  2. Það getur verið gott að skrifa niður upplýsingar sem læknirinn gefur þér eða hafa einhvern með sem getur hjálpað þér að muna.
  3. Spurðu lækninn út í lyf og lífstílsbreytingar til að meðhöndla einkenni PCOS.


Tilvísun til sérfræðings

Ef þig grunar að þú sért með PCOS getur þú leitað til sérfræðings:


  • kvensjúkdómalæknis sem er sérfræðingur í meðferð kvenkyns æxlunarfæra
  • innkirtlalæknis sem er sérfræðingur í meðhöndlun hormónavandamála


Athugaðu að sérfræðingurinn hafi góða þekkingu á PCOS.


Kvensjúkdómalæknir eða innkirtlalæknir mun ræða við þig um bestu leiðina til að meðhöndla þín einkenni. Þeir munu mæla með lífsstílsbreytingum og mögulega skrifa lyfseðil fyrir viðeigandi lyfjum.

Eftirfylgni

Þér gæti verið boðið í reglulega skoðun. Til dæmis til að mæla blóðþrýsting eða skima fyrir sykursýki.

Þetta fer eftir þínum einkennum, aldri og öðrum þáttum.


Sendu á okkur spurningar
Share by: